Agafa e Mmengo - February 2002

 

Katikkiro Atongozza Akakiiko K’amatikkira 2002

Katikkiro wa Buganda Owek. Mulwanyammuli Ssemwogerere, alonze akakiiko akanaateekateeka amatikkira ga Ssabasajja Kaaka Ronald Muwenda Mutebi II ag’omulundi ogw’omwenda, aganaakwatirwa mu Lubiri e Mengo.

Bwe yabadde atongoza akakiiko kano akaliko abantu 31 mu Bulange, e Mengo, olunaku Lw’okubiri nga 5/02/2002, Katikkiro yagambye nti newannkubadde nga kyali kisaliddwawo amatikkira okutegekerwa nga mu masaza gonna mu Buganda, mu ngeri ey’ebisanja, asazeewo ag’omulundi guno (2002) gakomezebwewo e Mengo, kisobozese Obuganda okumaliriza Twekobe.

Yasabye abeetema okudduukirira omulimu gw’okumaliriza Twekobe, naddala Pulezidenti Yoweri Museveni, okutuukiriza obweyamo bwabwe, kisobozese omulimu okugenda obukwakku.

Kyasalibwawo era nti ku mulundi guno, Abataka Abakulu b’Obusolya be baba beenyigira obutereevu mu mikolo gy’amatikkira.

Akakiiko kano, kakukulirwa Minisita wa Buganda avunaanyizibwa ku kuddaabiriza embiri, era nga ye Katikkiro w’Ekika ky’Engonge, Owek. Jolly Lutaaya ng’amyukibwa Owek. Kaddu Kiberu, era ono yeyaweereddwa n’ogw’ obuwanika. Abataka abalala be: Omutaka Kayiira, Omutaka Kayita, Omutaka Ndugwa, Omutaka Mbaziira Omutaka Kyeyune Bugingo, Omutaka Kaliika n’abalala.

Yagambye nti kafuuse kalombolombo, buli matikkira okubaako omwoleso, kubanga gwa mugaso nnyo eri enkulaakulana y'abantu baffe. N'olwekyo ne ku mulundi guno, wajja kubaawo omwoleso nga gukulirwa Eng. H.R. Kibuuka.

Abalala abali ku Kakiiko, mwe muli Owek. J.C. Muyingo, Hon. Tim Lwanga akulira Ababaka mu Parliament abava mu Buganda, Mayor J. Sebaana Kizito, Ababaka mu Lukiiko lw’Eggwanga - Margaret Zziwa ne Tom Kayongo ne Ssentebe w ’e Gombolola y’e Lubaga Omw. Justin Ssendikaddiwa, n’abalala.

 

Katikkiro Wa Buganda Asisinkana Ne Bakatikkiro Okuva Mu Bitundu Bya Uganda Ebirimu Abafuzi Ab’ensikirano

Ku lunaku Lwokutaano nga 15/02/2002, Katikkiro Mulwanyammuli yasisinkana Bakatikkiro banne abava mu bitundu bya Uganda ebirala ebirimu obufuzi obw’ ensikirano. Bakatikkiro abeetaba mu nsisinkano eno be: Owek. Nyabongo Rakijuma – Omuhikirwa wa Toro, Owek. Kagoro Byenkaya – Katikiro wa Bunyoro, Owek. Eng. Dan Batuwa – Katikkiro wa Busoga, Owek. Prof. J. Opolot – Ekirigi wa Teso Cultural Union. N’abamu ku Baminisita b’omu Bwakabaka obwogeddwako, nabo beetaba mu nsisinkano eno.

Okuteesa kwonna kwabadde mu Luzungu era kuno mu bujjuvu, kwe kwabadde okwogera kw’Owek. Katikkiro Mulwanyammuli Ssemwogerere:

 

“My Colleagues the

·        Omuhikirwa of Tooro - Owek. W.S.K. Nyabongo Rwakijuma,

·        Katikkiro of Bunyoro - Owek. Kagoro Byenkya,

·        Katuukiro of Busoga – Owek. Eng. Dan Batuwa,

·        Ekirigi of Teso Cultural Union - Owek. Prof. J. Opolot,

·        Jago of Tyeng Adhola - Owek. Rogers Jassa Kwelo,

·        Guest Ministers & Ministers from the Kingdom of Buganda,

·        Distinguished Guests, Ladies and Gentlemen.

I am greatly honoured and privileged to welcome you, distinguished members of our family. The family as you may observe, has, in today’s meeting, additional members. We have in the past been meeting as a family of four, but we are now joined by our brothers from Teso Cultural Union, and Tyeng Adhola. May I take this opportunity, on behalf of this group, to extend our warm congratulations to the Emorimor Papa Iteso, and the Adhola, on the recognition by Government, of your regions, as distinctive Cultural Institutions. We also extend a very warm welcome to Prof. J. Opolot, the Ekirigi of Teso Cultural Union, and Hon. Rogers Jassa Kwelo, the Jago of Tyeng Adhola, to our fold. Let me also take this opportunity to congratulate Katukiro of Busoga on the successful preparation and conclusion of the Kyabazinga Day at Bugembe.

At this juncture, allow me to introduce to you members of my team from the Kingdom of Buganda. Before I proceed, I would like to bring to you greetings from Ssabasajja Kabaka, Ronald Muwenda Mutebi II, who is very much aware of your presence. You may recall that today’s meeting has come about as a kind of follow-up, on the meeting we had with the 1st Deputy Prime Minister and Minister of Internal Affairs, Hon Eriya Kategaya on 28th/Jan/ 2002. At that meeting, we talked about the concern of Government on the security of our Cultural Leaders. We then agreed to continue discussions on our own, on modalities of how provision of protection to our Cultural Leaders should be made.

I am happy to report that on 29th January, 2002, by coincidence, I had a meeting with the Omuhikirwa of Tooro, Owekitinisa W. S. Nyabongo Rwakijuma, with whom we agreed to put a request to this meeting, that our discussion goes beyond the subject of protection of our leaders, to cover areas of primary concern. We thought about the following pertinent issues;-

i) The need to have a common approach on topical issues such as Federalism.

The idea of a Federal System of Governance must be emphatically sold outside the Kingdom areas. However, I must say that I was greatly encouraged by the Vice President’s Speech, on the occasion of the Kyabazinga Day held at Bugembe in regard to the position of Cultural Leaders.

ii) The status of Traditional Leaders

Government must be made to recognize the importance of Cultural Institutions. Traditional Leaders command great respect of the people. These Leaders play a very big role in mobilising people for development; it is therefore imperative that the partnership between Government and the Cultural Institutions be genuinely and practically recognized.

iii) The need for Government to finance Cultural Institutions.

Cultural Leaders, through their people, contribute enormously to the Government Revenue. However, there is no corresponding and/or stipulated budgetary provision for these Institutions for sustenance and enabling them to play their role effectively.

iv) The need to define the position, role and relationship of Cultural Leaders with Government.

Currently this relationship with Government is unclear.

v) The need to have meetings of the Executive Leaders on a regular basis.

The need to have meetings of the Cultural Leaders on a regular basis need not be over emphasized. Before 1967, meetings of Traditional Leaders were held regularly. The Kings always met to review development in their Kingdom areas. I have to stress that the Kingdoms’ pre–1967 development credentials, were there for everyone to see. Schools, Hospitals, Bulungibwansi projects, etc. were a common site. By reviving these meetings, therefore, we shall be embarking on the long journey to trace the lost glory and treasure, endowed in the Cultural Institutions.

vi) The need to draw out strategies for achievement of the objectives.

One of the strategies would be to address the NRM Secretariat on topical issues with concrete proposals. The Omuhikirwa and I were of the view that in addition to the question of the protection of our Leaders, the meeting could focus attention on the following issues:

o       Position, role and relationship of the Cultural Institutions with Government Financing of Cultural Institutions.

o       Federal system of Government

Feel free to add or subtract. As a first meeting, I thought these are the minimum programme.

In conclusion, I would like to thank you once again for having spared your precious time to come. Your coming is truly a manifestation of the strong vision you have in reviving the cultural values and the urge to spearhead development of our Traditional Institutions. I wish you good deliberations.”

 

Ensonga zonna nga bamaze okuzikubaganyako ebirowoozo, baalonzeewo akakiiko ak’okukola alipoota enzijuvu erisomebwa mu lutuula lwabwe luliddirira nga 22nd March 2002.

Bano be Bamemba b’Akakiiko ako:

1.      Owek. Nyabongo Rakijuma, Omuhikirwa wa Toro - Chairman

2.      Owek. Martin Musumba, Deputy Katukiro wa wa Busoga - Vice Chairman

3.      Owek. Phillip Winyi – Memba

4.      Owek. Apollo Makubuya – Memba.

 

Olutuula Lw’akakiiko Akafuzi

Akakiiko Akafuzi (Cabinet) kaatudde ku Lwokuna nga 7 February 2002 mu kisenge ekiteesezebwamu wano mu Bulange. Bino bye byabadde ku agenda:

1.      Essala

2.      Okwogera kwa Katikkiro

3.      Ebiva mu kwogera kwa Katikkiro

4.      Enteekateeka z’Akakiiko Akekkenneenya Ssemateeka (Constitutional Review Commission) weetuuse - Owek. J.W. Katende.

5.      Alipoota ku Buganda Kingdom Development Strategy (BKDS) - Owek. Leo Kibirango

6.      Enteekateeka empya ku ntunda ya Certificates za Buganda - Owek. J.B. Walusimbi

7.      Ekiwandiiko kya Ministry y’Eby’enjigiriza n’Emizannyo ku nkola (Policy) ey’ekisaawe ky’e Wankulukuku - Owek. J.C. Muyingo

8.      Alipoota ku nteekateeka z’Amatikkira ag’omulundi ogw’omwenda. - Owek. Jolly Lutaaya

9.      Alipoota ku "Ekitoobero Mulongooti" - Owek. Godfrey Kaaya Kavuma

10. Okuteekateeka Olukiiko lwa Buganda - Owek. Robert B.K. Sebunnya.

 

Nga ‘agenda’ bw’eraga Owek. Katikkiro yayogera eri ba Memba b’Akakiiko Akafuzi era mu bujjuvu kuno kwe kwali okwogera kwe:

1. Ennyanjula.

(a) Okwaniriza Abakiise: Mbaanirizza nate bakiise bannange.

(b) Eby’okutesaako: Tujja kuteesa ku nteekateeka z’Akakiiko akeekenneenya Ssemateeka we zituuse; Alipoota ku BKDS; Enteekateeka empya ku ntunda ya ‘Certificates’; Ekiwandiiko kya Ministry ye by’Enjigiriza n’Emizannyo ku nkola (policy) ey’ekisaawe ky’e Wankulukuku. Tujja kwogera ku nteekateeka z’Amatikkira, tufune ne Alipoota ku ‘Ekitoobero Mulongooti’ era tuteeketeeke n’Olukiiko lwa Buganda lwe tusuubira okutuula amangu.

2. Ssaabasajja Kabaka

Ssaabasajja Kabaka gyali ateredde ntende mu Lubiri lwe.

a)     Okulambula kwa Ssaabasajja

(i)                 Ku lunaku lwa Sande nga 27/01/2002, Ssaabasajja Kabaka yatandika okulambula mu Ssingo era nga ku lunaku olwo, yeetaba mu kusinza n’omukolo ogw’okutikkira Omulabirizi omupya ow’Obulabirizi bw’e Mityana, Dustan Kopoliano Bukenya. Ssaabasajja yawerekerwako Katikkiro wa Buganda, Minisita Nuwa Nyanzi n’Abakungu ba Ssaabasajja abalala bangi.

(ii)               Ku Sande akawungeezi, Ssaabasajja yasisinkana ba Memba ba Palimenti abava mu Ssingo ne bogera ku nsonga ezikwata ku kitundu kyabwe.

(iii)             Enkeera ku lunaku lwa Bbalaza, Ssabasajja yalambula ku Bishop Joseph Mukwaya owa Kiyinda Mityana anaatera okuwummula. Bishop Mukwaya ennaku zino mukosefukosefu.

(iv)              Ng’akomyewo mu Lubiri lwe, Ssaabasajja yasisinkana n’Abakulembeze b’omu Ssingo kinnomu, nga mu bo mwe mwali; Ba Ssentebe ba zi ‘Districts’ - Mubende ne Kiboga, era n’asisinkana Abaami ab’Amagombolola ab’omu Ssingo nga baakulemberwa Mukwenda Owek. Stanley Kijjambu. Ssabasajja era yayogerako eri abavubuka bangi nnyo abajja okumwaniriza n’okumulabako, n’abakubiriza okunyiikirira ennyo buli kye baba bakola. Abavubuka bano baagula ‘Certificates’ zonna ezaaliwo ne bazimalawo.

(v)                Ku lunaku Lwokubiri nga 29-02-2002, Ssaabasajja Kabaka yalambula egimu ku mirimu egy’okwekulaakulanya mu Ssaza eryo. Mukwenda ye yalambuza Omutanda nga awerekerwako ba Minisita, Abebitiibwa Kamala Kannamuwangi, Lutaaya Mukomazi n’Omutaka Kayita Musoke. Mu kulambula Ssaabasajja yayogera eri abantube. Mu bifo bye yalambula nga muno mwe mwali; a) Mityana Metal Works b) Omwalo gw’e Katiko ku nnyanja Wamala. c) Project ya bio-gas, d) Yalambuzibwa ennimiro n’amalundiro, era n’alambula omulimi omukukuutivu Omulongo Kizza. Saabaajja yasiima nnyo emirimu egikolebwa.

 

b)     Okukyaza Hon. Boris Johnson, MP Ku lunaku Lwokuna nga 24-1-2002 Ssaabasajja Kabaka yakyaza omu ku mikwano gye ennyo Hon. Boris Johnson, Memba wa palamenti ya Bungereza. Omutanda n’Omugenyi we banyumiza ddala emboozi n’egwa amakerenda.

3. Ofeesi Ya Katikkiro

Abagenyi ba Katikkiro

(i)                 Ku lunaku Lwokubiri nga 29-01-2002 Katikkiro yakyaza Omuhikirwa wa Toro Owekitiinisa W.S.K. Nyabongo Rwakijuma. Owekitiinisa, yawerekerwako Abebitiibwa Charles Bwango, Minisita w’ Enkolagana z’Obwakabaka ne Phillip Raboni Winyi Minisita w’Ebyamawulire era nga ye Njogeziyogezi y’Obwakabaka bwa Toro. Katikkiro n’Omugenyi we baayogera ku bintu bingi ebikwata ku Bwakabaka bwombi era ne boogera ne ku lukiiko lwa ba Katikkiro oluteekebwateekebwa okubaawo nga Feb. 15, 2002. Olukiiko luno lujja kuzingiramu neba ‘Katikkiro’ abebitundu eby’Obuwangwa (Cultural Leaders), ebyakatondebwawo.

(ii)               Ku lunaku Lwokubiri nga 05/02/2002 Katikkiro yakola omukolo ogw’okutongoza akakiiko akanaategeka emikolo gy’Amatikkira ag’Omulundi ogw’omwenda. Omukolo guno gwali mu kisenge kino. Gwetabwamu abantu abakulu bangi okuva mu Bwakabaka, omwo nga mwe muli Abataka, ba Minisita, ba MPs, Ssentebe wa LC 3 Lubaga n’abalala. Amannya ga ba Memba b’Akakiiko kano akakulirwa owek. Jolly Lutaaya, nnamala dda okugabategeeza.

(iii)             Olunaku lwa jjo, ku Lwokusatu, Katikkiro yakyaza Inspector General wa Police ya Uganda, Major General Katumba Wamala. Katikkiro n’omugenyi we banyumya ku bintu bingi ebikwata ku Ggwanga.

(iv)              Ku lunaku Lwokutaano nga 01 Feb, 2002 Katikkiro yaggulawo olukung’aana lw’ ekibiina ky’abasawo ekimanyidwa nga: ‘Association of Physicians of Uganda’ olwatuula mu ttendekero ly’abasawo e Nsambya. Katikkiro yawerekerwako Owek. Robert Sebunnya, ne Dr. Josephine Nambooze Kiggundu. Omulamwa gw’olukung’aana olwo, gwali ku bulwadde bwa Sukaali (Diabetes Melitus) n’engeri y’okubujjanjabamu mu kaco kano. Katikkiro yayanirizibwa Professor Otim ne Dr. Kigonya.

 

Katikkiro Yayozaayozezza Mayor Ssebaana Kizito

Gyebuvuddeko katono, wabaddewo vvaawo mpitewo w’okunoonya obululu okwa ba Ssentebe ba zi LCs. Wano mu Kampala kibadde kissakinegula Mayor Ssebaana Kizito ne munne Omulongo Wasswa Ziritwawula nga banoonya obululu okusobola okutwala obwa Mayor bw’ekibuga Kampala; era okugenda okukakkana nga Ssebaana bannakampala bamulonze okuddamu okubakulembera nga Mayor w’e Kibuga (Kampala City Council). Kamalabyonna yamuyozaayozezza bwati:

“February 19, 2002

Owek. John Sebaana Kizito MAYOR WA KAMPALA.

OBUBAKA OBW’OKUYOZAAYOZA

Twasanyuse nnyo bwe twawulidde amawulire ag’okulondebwa kwo okuba Mayor wa Kampala nga kino kisanja kyakubiri.

Nkusaba okkirize obubaka buno okuva eri Akakiiko Akafuzi, Olukiiko lwa Buganda lwoliko nga memba, okuva gyendi, Omukyala n’Abomu maka gange, nga bukuyozaayoza nnyo nnyini, Ssebo Mayor, n’Abomu maka go olw’obuwanguzi obw’ amaanyi obukutuusiddwako abantu be Kampala.

Kampala District mwe muli ebitebe ebikulu eby’obuwangwa eby’Obwakabaka bwa Buganda, n’olwekyo okusinziira kubisuubizo byo, amazima n’obwesigwa bwo mu mirimu gyo, ffe ng’abatuuze, mu bitundu bino, era n’abantu abasinga mu Kampala nga bamaze okkulozaako, obamatizza nti ggwe osobola okubakulembera era n’okubalabirira obulungi mu kiseera kino.

Nze nga Kamalabyonna akulembera Obuganda nga nsinziira ku kitebe ekikulu nakyo ekiri mu kitundu ky’okulembera, nja kukuwagira mu buli ngeri esoboka okukulaakulanya emirimu n’embeera z’abantu abaffe.

Twebaza Mukama akusobozesezza okuyita mu biseera bino ebibadde ebya kanayokyani, era twongera okukusabira n’okukwagaliza obukulembeze n’obulamu obulungi mu buvunaanyizibwa obuziddwa obuggya.

Mukama Akukuume".

 

Ba Ssentebe ba zi Districts abalala Owek. Katikkiro beyayozaayozezza mwe muli:-

Omw. Vincent Bamulangaki Ssempijja, eyazzibbwa ku bwa Ssentebe bwa Masaka District; Major Kakooza Joseph, Ssentebe Mubende District; Omw. Daniel Kikoola, eyaziddwa ku bwa Ssentebe LC V Kalangala District; Omw. Ian Kyeyune, eyaziddwa ku bwa Ssentebe LC V, Wakiso; Omw. Christopher Bagonza, Ssentebe LC V Nakasongola; Omw. Nkugwa Kizito Siraj, Kiboga District; Eng. Steven Dagada, Kayunga; Haji Abdul Nadduli, Luweero; Omw. Herman Ssentongo, Ssembabule District; Omw. Kabega Badru, Mpigi District; Omw. Ssemakula Vincent, Rakai District.

Ate era yayozaayozezza ne bano:

 Omw. John Tebyasa Matovu, eyazziddwa ku bwa Mayor Masaka Town Council; Haji Nassib Kibirige Takuba, Ssentebe LC III Kawempe Division; Omw. Charles Sserunjogi, Ssentebe LC III, Central Division; Omw. Justin Ssendikaddiwa, Lubaga Division; Omw. Deo Kijjambu, Makindye; Omw. Protozio Kintu, Nakawa Division.

Katikkiro era ateekateeka okuyozaayoza ba Ssentebe b'Amagombolola abalondeddwa wonna mu Buganda.